قصه مبنيه علي احداث حقيقه _رعب حقيقي

هستناك هنا 
هز تميم راسه علامة الموافقة ودخل غرفة القتيلة لكشف خباياها وبخطوات واثقة أتحرك في الغرفة ببطء وعينه بتبحث في اركانها عن أي شئ ملفت يثير الشكوك ووقف قدام الدايرة المرسومة بالطباشير وتأملها للحظات قبل ما يوطي عليها ويقعد جنبها خرج من شنطة الكتف اللي معاه قفازات لبسها في أيديه وعدسة مكبرة وبدأ يفحص خط الدايرة بتركيز شديد وأكتشف وجود رسومات صغيرة يصعب رؤيتها بالعين المجردة داخل الدايرة رسمة كاس مقلوب مخترق بسيف رسمة جمجمة بين شمعتين رسمة عقرب وإنتبه لوجود شعره بنية طويلة على خط الدايرة مسكها بملقاط وقرب منها العدسة وبعد لحظات من فحصها خرج حافظة بلاستيكية من شنطته وحط الشعره فيها ومسك دفتره وكتب فيه الملاحظات اللي لفتت نظره ورسم الدايره وجواها الرموز بنفس الوضعية اللي قدامه في الواقع وقام من مكانه بخطوات حذرة لتجنب تلف أي ادلة في الغرفة واخد كذا لقطة من موبايله بزوايا مختلفة وعند باب الغرفة تراجع عن الخروج لما لمح أجندة فوق التسريحة قرب منها وفتحها وتصفحها بنظرة سريعة ووقف عند صفحة مرسوم فيها نفس الرموز اللي جوه الدايرة الكاس المقلوب المخترق من السيف الجمجة بين الشمعتين والعقرب .. ومكتوب تحتهم فى أخر الصفحة عبارة الساعة المنتهية 
.. يتبع ..
سلسلة ملفات تميم شلبي 
القصة رقم 1
بتوقيت المۏت 
تأليف بيتر إيفانجل
ملفات_تميم_شلبي
بتوقيت_الموت
بيتر_ايفانجل
peter_evangl. 2
أتردد تميم للحظات قبل ما يحط الأجندة في شنطته ويخرج من الغرفة واول ما خرج شاف منير قدامه ماسك موبايله وملامحه مليانه بالقلق قرب منه بأستغراب وسألة 
حصل حاجة يااستاذ منير 
_ حد اتصل بيا من رقم مجهول ولما فتحت سمعت صوت همسات غريبة وصړاخ وصوت حد بيضحك حاولت اعرف مين ما حدش رد وبعدها الشبكة راحت من موبايلي ومش عايز يلقط إشارة تاني ..
بص تميم في موبايله لثواني ورد 
انا عندي شبكة والإشارة قوية كمان ممكن تكون مشكلة في موبايلك
_ أيوه بس مين اللي بيتصل وكان عايز أيه وأيه حكاية الاصوات الغريبة دي !!
ممكن تديني موبايلك لحظة 
رفع منير أيده بالموبايل بأتجاه تميم وبعد عدة ثواني من فحص سجل المكالمات رد تميم بدهشة وقال 
_ أنت متأكد أن في حد كلمك !!
طبعا متأكد حد أتصل بيا وفتحت المكالمة بيني وبينه لكن ما سمعتش غير الأصوات اللي قولتلك عليها ..
_ مافيش أي مكالمات واردة وسجل المكالمات محذوف
إزاي ده ! مش ملاحظ أن ده شغل شياطين 
_ لاء بس لاحظت أن تليفونك فيه عطل ومحتاج صيانة
جايز هبقى أعدي ع التوكيل فى طريقي واشوف الحكاية دي المهم خلصنا كده هنا ولا لسه
_ أه تمام يالا نخرج بس هستأذنك تبقى تفتحلي البيت تاني لو جد جديد معايا وأحتجت أدخله
سيبها للظروف
بعد نزول تميم من الدور التاني وقبل خروجه من الفيلا أنتبه لساعة بنادولية قديمة فوق مرايه بتصميم تراثي مستوحى من العصر الفيكتوري الساعة والمرايه شكلهم ملفت للنظر ولاحظ ان الساعة واقفة مابتتحركش وعقاربها بتشير إنها ٣٠٠ أتحرك ووقف قدام المراية مباشرة تحت الساعة وقال 
_ الساعة دلوقت تلاته وخمسه الساعة دي مش مظبوطة وواقفه لكن ده ما يمنعش أن ذوقها راقي جدا هي والمراية ..
عادل جوزها الله يرحمه كان مهووس بالتحف والأنتيكات
_ من وقت ما جت وهي عطلانة كده 
تقصد الساعة بالعكس نورهان كانت بتتعامل مع شخص متخصص عشان يظبطها بأستمرار ويعملها صيانة لأن ظبطها وصيانتها معقدة جدا بس مش عارف عطلانة ليه دلوقت !
_ عطل مفاجئ أكيد ..
كويس التليفون جاب شبكة أسمحلي هعمل مكالمة ومنتظرك برة البيت بيتك طبعا ..
خرج منير من الڤيلا ولكن تميم فضل واقف في مكانه رافع راسه باتجاه الساعة ومثبت نظره عليها وفي لحظة ... ظهر كائن مخيف بقرون طويلة جوه المرايه فى اجواء كاتمة كئيبة وقرب من ناحيته لما أنتبه تميم أتنفض من المفاجأة واتراجع خطوات لورا لكن المرايه رجعت طبيعية عاكسه صورته هو ومافيش حد جواها غيره ..
وقتها سمع حركة الساعة وإنها اشتغلت واندهش لما شاف أن توقيتها أتغير وبقت مظبوطه على الوقت الحقيقي اللي موجود في ساعة اليد