وقال ليكن
فتح الباب ودخل شقته بخطوات واثقة وأتجه لمطبخه مباشرة عشان يحضر فنجان قهوة يساعده فى التركيز وشغل الراديو على إذاعة أم كلثوم وخرج صوت بيقول
اين مني مجلس أنت به فتنة تمت سناء وسنى
وأنا حب وقلب هائم وخيال حائر منك دنا
ومن الشوق رسول بيننا
ونديم قدم الكأس لنا..
ۏلع سيجارته وشرب من فنجان قهوته وأفتكر مراته وبنته الأغنية دي بالذات ليها ذكرى خاصة في قلبه أخر حاجة بعتتهاله مراته كملف صوتي على التليجرام عشان يسمعها لما كانوا مټخانقين أفتكر قد أيه أنه أهملها وكام مرة حاولت تلفت نظره إنها موجوعة منه لحد ما في يوم نزلت في نص الليل من البيت وخدت بنتهم معاها وركبت عربيتها وطلعت على الطريق السريع بدون واجهة معينه كانت عايزة تهرب وبس ..
زنقوا على عربيتها على مدى٤ كيلو تقريبا لحد ما العربية اتقلبت بيها وماټت هي والطفلة والقضية اتقفلت ضد مجهول لإنهم ماقدروش يكشفوا هوية الجناة تميم عاش بالذنب لسنين وبعد عن التحقيقات لأنه شاف أن التحقيقات مش ديما بتقدر ترجع الحقوق لأصحابها وأكتفى أنه يساعد الناس من خلال الإستغاثات عن طريق التليفون لحد مكالمة الطفل كريم اللي حركت فيه مشاعر الأبوة القديمة وتخيل أن كريم هو بنته اللي بتستغيث بيه عشان حد قضية كريم وأمه بالنسبة ل تميم هي نقطة التحول في حياته وقراره الصارم بأنه لا يمكن هيسيب قواضي تانيه تتقفل ويفلت منها الجناة مهما كانوا ..
طلع من شنطته الأجندة والحافظة ودفتر ملاحظاته وراجع الأحداث في دماغة فتح أجندة القتيلة ومن الصفحة الأولى فهم أنها يوميات وملاحظات تخص نورهان ماكنش فيها أي شيء ملفت يوحي بان عندها مخاۏف من مشكلة معينة ولكنها كانت بتعبر عن مشاعر الحزن بعد خسارة جوزها وۏفاته وأن ماكنش ليه حد في الدنيا غيرهم هي وإبنها ولاحظ أثار دموع على بعض الصفحات وفهم إنها كانت في حالة نفسية سيئة جدا وكانت پتبكي أثناء الكتابة ولكن قبل مايقفل الأجندة أستوقفته جملة عاد قرأتها أكتر من مرة
أخر كلمات كتبتها نورهان في يومياتها
انا فتحت الباب للشيطان
سرح تميم للحظات وساب الأجندة من أيده وهو بيردد الجملة في دماغة مسك الحافظة اللي حط فيها عينة الشعر وخرج منها الشعرة البنية وتأملها مرة تانية بتركيز أشد ووجه الكلام لنفسه وقال
الشعرة كانت على خط الدايرة اللي حوالين نورهان ومع ذلك مافيش أثر للطباشير عليها إلا من جهة واحدة الجهة اللي كانت فوق الدايرة وده معناه أن الدايرة أترسمت قبل مش بعد إذا كانت الدايرة اترسمت قبل مۏتها فأيه كان المقصود منها وليه نورهان رسمتها فى الأجندة كمان !!
أشارة الشبكات بتتقطع بعد الأتصال المجهول اللي مابيظهرش في السجلات والمكالمة هي الشئ المشترك بين الجرايم اختفاء الطفل وعشان كده أتقطعت المكالمة بيني وبين كريم رمى السماعة من أيده لما أتقطعت الحرارة في نفس الوقت اللي شاف فيه الكائن الغامض وده يفسر وجود السماعة على الأرض برغم إنتهاء المكالمة
وبرغم أن استاذ منير كان رافض يفتحلي الڤيلا فى الأول فعلا لكن بعد انتحاره وافق معنى كده أن روحه حاولت تساعدني في دخول الڤيلا وبرغم أنه أختفى لكن الادلة اللي معايا لسه موجودة كدليل إني فعلا دخلت الڤيلا ولم خرجت منها الباب أتقفل تاني ..
وأثناء سرحان تميم في المناقشة الإستنتاجية بينه وبين نفسه شم ريحة دخان قطعت تركيزه ولما أنتبه أتفاجئ بأن الأجندة بتتحرق بدون سبب حاول يطفيها بسرعة بس مالحقش دلق عليها مايه ولكن الڼار ماكنتش بتتأثر وأستمرت في أكل الأجندة بدون توقف وبمجرد ماتحرقت بالكامل لاحظ ان رمادها أتشكل على رسمة العقرب ضمن الرموز التلاته اللي حفظ شكلهم وقف عن كرسيه وهو مبرق وأترسمت على وشه علامات الذهول وأنتفض لما سمع صوت كسر وخبط مصدره المطبخ جري تميم واتجه للمطبخ بخطوات سريعة وشاف أن الأطباق كلها وقعت على الأرض واتكسرت لقطع صغيرة وقبل مايحاول يستنتج السبب لمح ديل أسود تحت البوتاجاز والنور قطع فجأة تراجع وخرج بره المطبخ ومسك موبايله ونور الكشاف ولاحظ هجوم ظلام مفاجئ سيطر على البيت ضباب كئيب منتشر في
