جوزي الندل بقلم هويدا زغلول

_جوزي الندل
_ وقبل ما نبدأ حكايتنا اعرفكم علي بطلتنا النهارده واللي اسمها مريم وعندها 25 سنه كانت متجوزه وجوزها وابنها اللي عنده 4 سنين راحو في حاډثه..
وفي المستشفي فاقت من نومها لقيت هشام ابن عمها وجوز اختها قاعد جنبيها علي الكرسي وقال بسرعه. 
هشام 
الحمد لله علي سلامتك يا مريم انتي كويسه..

مريم بدموع 
ايهاب وابني اسر ابني فين هما عايشين صح..
مسك هشام ايدها وقال
هما راحو عند اللي احسن مني ومنك يا حبيبتي اا انتي بس اهدي دلوقتي عشان صحتك..
مريم قعدت وقالت 
انا عايزه اشوفهم يا هشام ابوس ايدك خليني اوشفهم..
هشام 
هما خلاص اتدفنو انتي من امبارح نايمه وامك واختك وابوكي في البيت بياخدو العزا وانا ما قدرتش اسيبك...
فضلت مريم ټعيط وهو بصلها بخبث وقال بهدوء..
هشام 
اهدي يا مريم انا معاكي ومش هسيبك وهاخدك تروحي تزوريهم بس بطلي عياط عشان خاطري..
بعدت مريم عن حضنه وقالت
انا اسفه يا هشام بس لو سمحت سيبني لوحدي..
هشام. 
مستحيل اسيبك... مستحيل اسيبك لوحدك وانتي كده اقصد...
دخل في الوقت ده خالد اخو ايهاب جوز مريم اللي راح وكان شاب عنده 35 سنه وشكله حلو ورياضي جدا وقال بجمود..
خالد 
حمدلله علي سلامتك يا مرات اخويا..
مسحت مريم دموعها وقالت
الله يسلمك يا خالد هو ايه اللي حصل انا مش فاهمه. حاجه ولما سمعت الخبى وانا مش حاسه بنفسي..
خالد بجمود. 
ايهاب كان جايب اسر من الحضانه ومروح والعربيه ما اعرفش ازاي ما بقاش فيها فرامل فجأه وحصلت الحاډثه..
مريم پبكاء
ازاي يعني ايهاب ديما بياخد باله من الحاجات دي ازاي يعني ما بقاش فيها فرامل فجأه..
هشام 
عادي يا جماعه بتحصل في العربيات القديمه انها بتبوظ فجاه..
خالد 
وعربية اخويا ما كانتش قديمه دي حديثه جدا وانا متأكد ان في حد عمل كده وهعرفه واوعدك يا مريم ان حق اخويا وابنه هيرجع..
هشام 
لو سمحت بلاش الكلام ده قدامها دلوقتي انت مش شايف حالتها عامله ازاي..
قعد خالد قدامها ومسحلها دموعها وقال
انا جنبك وكأن ايهاب عايش واللي تحتاجيه انا تحت امرك فيه...
مريم 
شكرا يا خالد ربنا يخليك انت زي ما كنت اخو ابهاب اخويا انا كمان..
خالد 
طبعا ياريت ترتاحي وانا هبقي اجي اطمن عليكي تاني..
_وقام مشي خالد وهشام كان متعصب جدا وقالها پحده..
هشام 
علي فكره اللي اسمه خالد ده مش كويس خالث وانا مش عايزك تتعاملي معاه تاني لو سمحتي..
مريم بتعب
لو سمحت انت يا هشام اسكت هو ده وقته وبعدين تعالي وديني البيت انا عايزه ابقي جنب ماما..
_ واخدها فعلا هشام البيت وقعدت في شقة مامتها اللي كانت قصاد شقة هشام واميره اختها..
قالت مامتها بحزن 
وحدي الله يا بنتي ده نصيبهم وعمرهم كده ادعيلهم هما دلوقتي محتاجينك تبقي قويه وصابره عشان تدعيلهم..
عادل 
امك معاها حق يا بنتي ويكون في علمك انا واختك بكره هنروح نجيبلك هدومك من شقتك وهتقعدي معانا هنا مش هينفع نسيبك تقعدي لوحدك..
_ودخلت عندهم اميره اختها وهي ماسكه صنية الاكل وقالت..
اميره 
عارفه بقي لو كسفتيني وما اكلتيش انا هزعل منك اوي. عشان انا سايبه العيال مع هشام وواقفه بقالي ساعه بعملك الاكل..
مسحت مريم دموعها وقالت
تسلم ايدك يا حبيبتي حاضر هاكل بس علي قد نفسي عشان بجد ماليش نفس لاي حاجه..
باستها اميره علي راسها وقالت
ربنا يهون عليكي يا حبيبتي واحنا كلنا معاكي ومش هنسيبك لوحدك خالص...
_ ابتسمت مربم من وسط حزنها واكلت فعلا وبهد شويه رجعت اميره شقتها لقيت هشام مشغل التلفزيون..
اميره پحده 
انا ايه يا بني ادم ما عندكش ډم ده. انا جوز اختي راح امبارح وحضرتك مشغل التلفزيون..
هشام 
مش