بسبب رغيف الحواوشي حصل بقلم رحاب القاضي
انت في الصفحة 1 من 6 صفحات
رغيف الحواوشى خلى عمى يعمل فى الاربع تؤام ولاد اخوه اكبر
_وقبل ما نبدأ حكايتنا اعرفكم بنفسي انا اسمي انهار وعندي 25 سنه متجوزه وعايشه مع حماتي لان جوزي مسافر وامي عايشه مع اخواتي في بيتنا لوحدها بعد ما ابويا ربنا افتكره..
وفي يوم كنت رايحه لامي ولقيت عندها صاحب البيت پيتخانق معاها وبيقولها.
بقولك ايه يا وليه انا جيبت اخري منك ست شهور مستني الايجار وانتي بتاخري ايه حد قالك اني فاتحها تيكيه لله..
فاطمه
حقك عليا يا حج عوض والله هجيبلك الايجار لما يرجعو المعاش بتاع المرحوم تاني بس انا قولتلك جمدو المعاش في البنك واهو رجليا ورمت من اللف علي الورق عشان ارجع اقبض تاني ووعد والله اول ما ينزل القبض هجيبلك كل القساط المتأخره..
وانا ماليش دعوه ومش هتحرك من هنا غير لما اخد الايجار المتأخر كله..
وقفت قدامه وقولتله
نعم يا اخويا عايز ايه واقف وافاتح صوتك علينا كده ليه..
عوض
اسألي امك يا اختي هو انا بفتح صوتي عليكم بلطجه لا انا جاي اخد حقي اللي امك مش راضيه تديهولي..
انهار
ويطلع كام بقي حقك ده وانا اديهولك علي اقدم جزمه قديمه..
طيب وليه الغلط ده طيب وبعدين الايجار متأخر ست شهور بالظبط وعليهم الشهر ده انا بعد كده هاخد الايجار مقدم منكم
قلعت الخاتم الدهب الي في ايدي ورميته في وشه وقولتله ......
انهار
امسك يا اخويا يجيبلك حق الايجار المتأخر وزياده خده بقي والايجار هيكون عندك كل شهر مقدم كمام
عوض
طيب يا بنت الغالي ما تزعليش اصل الحق ما يزعلش برضو ولا انا غلطان يا احم احمد
ادخلي ياما احنا مش فاضيين للكلام تالفاضي ده ومش ناقصين جر شكل من الناس الفاضيه
ضحك عوض وقال
ههههههههه مقبوله منك برضو يا ست البنات
دخلت انا وامي وقفلنا الباب وامي فضلت ټعيط وقالتلي بحزن
فاطمه
ليه بس يا بنتي تديله الخاتم افرض حماتك دلوقتي سالتك عليه دلوقتي هتقوليلها ايه
انهار
مش مهم يا امي انا هتصرف المهم بالله عليكي ما تأخري دفع الايجار تاني
طيب هو انا يعني لقيت وقولت لا يا انهار ما انا طلعان عيني ما بين قساط جهازك اللي لسه بدفع فيها لحد دلوقتي وما بين مصاريف اخواتك اللي في المدرسه وما بين الاكل والشرب واللبس وعمك منه لله حفيت عليه عشان يشوفلي صرفه في المعاش بتاع ابوكي بيثبتني بكلمتين وبيركني
انهار
خلاص ارتاحي انتي يا امي وانا هتصرف والاقي حل للمعاش اللي اتجمد ده وان شاء الله تتحل المشكله والفلوس تيجي ونسد كل اللي علينا
خلاص يا انهار حقك عليا يا بنتي تلاقيكي جايه تفكي عن نفسك عندي شويه وانا نكدت عليكي
انهار
ما تقوليش كده بس يا امي همنا واحد يا حبيبتي وبعدين انا حياتي زي الفل ده حماتي حتي بقيت بتعاملني احسن معامله والله
وكنت بكدب طبعا علي امي عشان ما اشيلهاش همي وفضلت قااعده مع امي واخواتي شويه وبعدين رجعت البيت عند حماتي اللي كانت قاعده هي وبنتها وقالتلي
الحما
في ايه يا اختي انتي روحتي عند امك وقولتي عدولي
انهار
ابدا يا ماما بس كنت قاعده مع امي واخواتي شويه اصلهم كانو وحشيني اوووي
ناهد
يعني ايه عشان امك واخواتك هتسيبي امي قاعده من غير اكل ولا شرب كده لوحدها
انهار
ما انا عارفه انك جايه يا ناهد وعشان كده قولت اروح اشوف امي وارجع
الحما
جرا ايه يا بت انتي هو انتي فاكره ان بنتي هتيجي هنا تخدمك لاااا انا بنتي تيجي هنا عندي تقعد زي الملكه وانتي تشوفي طلباتنا
انهار بحزن
حاضر
