اكتشفت ان حماتي بتبص عليا وانا نايمه والسبب؟ بقلم الكاتبه رحاب القاضي
وما تخافيش احنا ما عندنااش حاجه نخاف منها واللي عايز يتأكد يتأكد تعالي معايا جوه وانتي يا ام صبحي هاتي يا اختي النسوان اللي عايزاها وانا واثقه في بنتي انها هترفع راسي للسما..
_واخدت فتحيه رحمه ڠصب عنها جوه الاوضه ومعاها حماتها وتلات نسوان من قرايب صبحي وبعد شويه طلعو كلهم وفتحيه زغرتت وقالت..
فتحيه.
لولولولويييي تسلم بنتي وتربيتي ليها ادخل يا عريس بقي لعروستك واطمن انت وامك انت واخد واحده مش هتلاقي في ادبها واخلاقها مهما دورت..
طبعا يا حماتي ده رحمه وهي رحمه بجد بتد اذنكم بقي وابوس ايديكم مش عايز مشاكل..
_ ودخل صبحي جوه ولقي رحمه نايمه علي السرير وبتعيط فقرب منها وقالها.
صبحي
حقك عليا يا رحمه والله اللي حصل ده في صالحك انا مش عايز حد يجيب سيرتك في حاجه وحشه واوعدك بعد كده اللي انتي عايزه انا هعمله ليكي بس بلاش ټعيطي كده ونبوظ ليلتنا..
هو ده اللي فارق معاك كل واحد فيكم بيدور علي مصلحته انت وامي وامك اللي عايزه تتمنظر قدام الناس علي حساب كسرتي يوم فرحي..
صبحي
يوووه ما خلاص بقي يا رحمه بقولك ايه اهدي خالص وانا هنسيكي اللي حصل ده قومي بس غيري هدومك واغسلي وشك من المكياج اللي باظ ده يلا اعمليبك همه وقومي..
_ قامت رحمه فعلا وسمعت كلامه وبدأت حياتها معاه بس كانت اسوأ حياه لان بعد جوازها بأسبوع واحد راحتلها حماتها اوضتها وهي نايمه وقالت..
انتي ياا بت لسه نايمه قومي عشان تجهزي الفطار لعلي سلفك قبل ما يروح الكليه بتاعته يلا انتي لسه هتتنحيلي..
رحمه
طيب ما انتي كل يوم يا حماتي بتجهزيله ويعدين انا بتكسف اطلع قدامه بصراحه فياريت تجهزيله انتي وانا هبقي اطلع اعملك كل اللي عابزااه..
نعيمه
انتي بتتلككي يا بت وبعدين بعد كده جوزك ينزل شغله تطلعي انتي بقي تشوفي البيت محتاج ايه وتعمليه قوومي يلا عشان تجهزي الفطار لعلي وبعدين تروقي الشقه.
علي
صباح الخير يا مرات اخويا علي فين كده علي الصبح..
رحمه
صباح النور انا هروح اجهز ليك الفطار عشان تروح الكليه بتاعتك وما تتأخرش عليها..
علي
لا لا انا هقوم اجهز لنفسي معلش ما تزعليش من امي هي ست كبيره واحنا بنسمع كلامها عشان ما تزعلش وانا هقولها ان انتي اللي جهزتي الفطار..
والله عادي انت زي اخويا انا هجهزلك الفطار واشوف باقي شغل البيت بعد اذنك..
ودخلت رحمه المطبخ ونعمه طلعت من اوضتها وقالت بسخريه..
نعيمه
حنين اووي يا روح امك انت الا ما جيت في مره وقولتلي عنك يا اما اجهز الفطار مكانك..والبنت دي بتتسهوك عليك كده ليه بقولك ايه ما تتكلمش معاها تاني..
علي
اتقي الله يا امي البنت دي مالهاش انها تعملي حاجه اناي امي انما هي مرات اخويا يعني المفروض تبقي مسؤله من جوزها وبس وانتي صحتك زي الفل اهو عشان اقولك تشيلك او تعملك حاجه..
طيب اسكت خالص وما تفتحش دماغها علينا بالكلام بتاعك ده وقوم روح الكليه بتاعتك ما فيش فطار يلا روح..
علي
حاضر يا امي رايح اهو بس بالله عليكي اتقي الله في البنت دي عشان ربنا يكرمنا وافتكري ان اللي بيجي علي الولايه ما بيكسبش وانتي وليه زيها واكيد عارفه كلامي ده كويس..
نعيمه
امشي يا واد انت من قداامب وما تدخلش نفسك في امور النسوان دي عشان ما ازعلش منك وانا زعلي وحش بيزعل برضو صبحي
