عمتي وابنها دمرو حياتي _كامله
جوه عشان اللي كنت خاېف منه حصل للاسف امك اااا البقاء لله
سما پبكاء
انت بتقول ايه انا والله كنت سيباها كويسه قبل ما امشي وكانت واخده العلاج في معاده والله كانت كويسه ازاي هتسيبني انا ماليش غيرها
حضنتها الهام وقالت
خلاص بقي يا بت ده قضاء ربنا هو في حد هيخلل في الدنيا يعني
_وتاني يوم بالليل كانت سما قاعده جنب عمتها وبتاخد العزا بتاع مامتها وكانت ميار قاعده جنب امها وقالتلها بغيظ
هي حبكت يعني الست دي تروح دلوقتي يعني
ام ميار
حظك المنيل بقي بس انا برضو بقول بعد الڤضيحه اللي عملتيها ليها في مكان شغلها هي مش هترضي تتجوز عمر
ميار
اااه ياااني لو اتجوزها ده انا هيبقي شكلي زي الزفت قدام الناس وانا جوزي سابني واتجوز حتت عيله زي دي
ام ميار
اسكتي طيب اسكتي جوزك جه اهووو
ميار خدي امك وروحي انتي كتر خيركم
ميار
وانت هتقعد هنا تعمل ايه ما تيجي تروح معايا واهي امك قاعده مع قريبتك دي
عمر
انتي عايزاني اسيب امي وبنت خالي لوحدهم وامشي وبعدين هي دلوقتي مش بنت خالي وبس دي خطيبتي
ميار بغيظ
برضو يا عمر انت مصمم عليها مااشي اشبع بيها بقي وانا مروحه مع امي
بشوقك يا حبيبتي هو انا يعني واقف عليكي ولا اقولك انتي مش هتقدري تسبيني عشان من غيري انتي وامك واخواتك تجوعو
بصتله ميار بحزن واخدت امها ومشيو من قدامه وهو قرب من امه وسما وقالهم
عمر
يلا يا سما قومي لمي هدومك ويلا بينا عشان هتيجي تقعدي مع امي
سما بصتله بقلق وقالت
لا انا مش هسيب البيت هنا وهقعد لوحدي عادي يعني
ومين قالك بقي اني هسمحلك تقعدي لوحدك قومي يا بت يلا واسمعي الكلام
سما پحده
انت مين اصلا عشان تقولي اعمل ايه وما اعملش ايه انا هقعد هنا ومش همشي
عمر پحده
بصفتي خطيبك وقريب اووي يعني علي الخميس كده هتبقي مراتي
وقفت سما وقالت
لا مستحيل طبعا انا مش هتجوزك انت ايه اصلا اللي يخليك تقول كلام زي ده
مزاااج انا عايزك وهتجوزك ولو تقدري تمنعيني اعملي كده ووريني ازاي
سما پخوف
هبلغ عنك انت مش هتقدر علي الحكومه وهمنعك انك تقرب مني اصلا
الهام بجمود
اخص عليكي يا سما بقي عايزه تدخلي الحكومه بينك انتي وابن عمتك اللي شاريكي بالحلال وهيبقي في ضهرك وسندك بعد ما امك قابلت وجه رب كريم
الساند ربنا يا عمتي انا عارفه غرض ابنك من الجوازة دي هو عايزني عشان اخلف العيل اللي مش عارف يجيبه من مراته وانتي وابنك عمركم ما كنتو سند ليا انتو لو ناس تعرفو ربنا كنتو قولتو ان انا بنتكم والجواز ده نصيب مش تخوفوني وتهددوني انتي وابنك
عمر
ادي اخرة التعليم خلاكي تقولي محاضرات مالهاش لازمه قومي يلا هاتي هدومك عشان نمشي من هنا
سما بعصبيه
هو انت ما بتفهمش يعني بقولك انا مش همشي من بيتي ومش هتجوزك روح اشتري واحده غيري وخلف منها العيل اللي انت عايزه
مسكها عمر من دراعها جامد وقال
طيب من غير ما احلف انتي لو ما سمعتيش الكلام الله ما هخلي فيكي حته سليمه وهاخدك برضو بيتي فبطلي العند ده وقداامي يلاااا
الهام
اسمعي كلامه يا بنت الغالين انتي دلوقتي مالكيش غيرنا وبدل ما تيجي بالعافيه تعالي برضاكي
_سمعت سما كلامهم وهي خاېفه من عمر وراحت لمت هدومها ومشيت معاهم وما كانش حد منهم عامل حساب لحزنها علي امها ولا حتي لخۏفها وبعد كام اتجوزها فعلا عمر ڠصب عنها وبعد ما مشي المأذون كانت
