سلاسل ام الغراب الاول والتاني

١
معرفش هيموتوا عليكي علي ايه
مع انك في سوق الحريم متساويش بصلة
قومي يا بروطة هاتيلنا فلوس
بدل منتي قاعدة كده يا قرد قطع
الكلام الخايب الي فات دا
كان كلام جوزي الله ېحرقة
ودي كانت طلباتة كل يوم
لكن انا ديما كنت برفض اسمع كلامة
فا كان بيعاقبني 
بالجوع عشان ارضخ لاوامره
بس المشكلة انه مكنش بيعاقبني لوحدي
لا دا كمان كان بيعاقب بنتي الي ملهاش ذنب
الجزء الاول
من رواية
سلاسل ام غراب
المهم
لما كنت بشوف بنتي جعانة كنت بقعد اتزلل له
وافولة...
احب علي ايدك 
يا...غراب
بنتك جعانة..
وعمالة ټعيط م الجوع
قوم هات من امك كوباية حليب

ولا حتي هات رغيف عيش
حاف
عشان البت الصغيرة تتعشي قبل ما تنام
فا يرد المزغود غراب بكل برود
ويقولي..
مش جايبلها حاجة
ولا جايبلك انتي كمان ولا لقمة
وهسيبكم كده 
لغاية ما تعضوا في الارض
م الجوع
مش انتي بتعاندي معايا 
ومش عايزة تنزلي الشغل
خلاص...
مۏتي انتي وبنتك من الجوع بقي
فا رديت عليه بغيظ
وقلتلة..
شغل ايه الي عايزني انزلة
يا سبع الرجال
انت بتسمي ده شغل
ياراجل اتقي الله بقي
دنتا مسيرك هيجي عليك يوم و ھتموت 
هتقابل ربك ازاي ..
وانت راجل بالاسم بس
فا رد غراب
وقالي..
ملكيش دعوة بيا يا ست الشيخة 
ريحي نفسك انا عاجبني حالي كده
وبدل ما تضيعي وقتك في الكلام...
انزلي طلعي مصاريفك انتي وبنتك
فا رديت عليه بغيظ
وقلتلة..
طب ما تنزل انت تشتغل
ولا عايز تقعد عاطل ...
وتشغلني الشغلانة المهببة دي
مش كفاية انك ..معيشني مع امك الڼصابة في بيت واحد..
وبتجبرني اسمع كلامها
طيب قولي اعمل معاكم اية
اكتر من كدة
امك طلبت مني اني اسحبلها النسوان ..
وفعلا...بجيبلها النسوان لغاية عندها ...وبتشفط فلوسهم
يعني بشاركها في اعمالها المنيلة 
وباخد ذنب زيها بالظبط
واحدة غيري..
كان زمانها هجت... وسابتلكم البيت من زمان
في اللحظة دي
ڠضب غراب من كلامي
وغراب لما بيغضب بيطير عقلة وبيجن جنونة
فا قام غراب جوزي ودور فيا الضړب بكل قسۏة
وفجاءة..
وصلت حماتي
ام غراب 
علي صوت الضړب
وسالت ابنها..
وقالت..
صوتك عالي ليه يا ابن بطني
فا رد غراب
وقالها..
البت ... بنت ال.....
مش راضية تنزل الشغل
ومغلباني كا العادة
فا بصتلي ام غراب بقرف
ووجهت لابنها الكلام
وقالتلة..
وتغلب نفسك لية
وايه اصلا الي يغصبك علي كده
ما تطللقها وتخلص
فا اټفزعت لما سمعت كلامها..
وفضل جسمي يتنفض
وخۏفت لا يسمع كلامها
ويطلقني بجد
فاوطيت علي ايدها.. ابوسها وانا بتوسلها
واقولها..
لا... ابوس ايدك
الا الطلاق
متخليهوش يسيبني ..
والنبي يا ام غراب..الا الطلاق
فا بصتلي وسكتت..
بعدما صعبت عليها
ولما قلبها رق لحالي
امرتني اني ابوس علي رجل غراب جوزي..
عشان يسامحني
وحكمت عليا باني ...
اطيع اوامره ..
وانزل الشغل فورا
وفعلا..
نزلت علي رجله بوستها
وقالتلة..
اضربني يا غراب ..
واعمل فيا اي حاجة..
بس بلاش الطلاق ربنا يخليك
فا قالي..
اخفي من وشي الساعه دي
وروحي اجهزي لشغلك يلا
قلت..
حاضر.. هجهز واروح الشغل
بس والنبي يا امة...
هاتي لرباب بنتي
طبق طبيخ
عشان تتعشي قبل ما اتنام
فا هزت راسها بزهق
وقالتلي..
سيبك من البت رباب وانا هبقي اطفحها ..
غوري انتي يلا ع الشغل
فا قلت..حاضر
وبالفعل..لبست .. فستان حلو
ولطخت وشي بالمكياج
الفاقع
وبعدها..
حطيت علي جسمي العباية ...
وداريت شعري بالطرحة
وخرجت ركبت التوكوك مع غراب
عشان يوصلني 
و.....
طبعا انتوا زمانكم بتلوموا
عليا..
وبتسالوا ..
ازاي تقبلي علي نفسك الوضع ده
وازاي تعيشي مع راجل معندوش نخوة ..
ولا رجولة
وليه رافضة الطلاق 
ولية متمسكة بالعيشة مع غراب.. وامة ..بالطريقة دي
عاايزين اجابة
حاضر......هفهمكم
وكويس ان..
الطريق لبيت الزبون طويل
عشان استغل الوقت الي هقضية في الطريق
واحكيلكم حكايتى
بس الاول هعرفكم بنفسي
انا عفاف
٣٠ سنة
جميلة الحمد لله
اتربيت في الريف
لكن..عايشة دلوقتي في المدينة
متجوزة ..
وعندي.. بنت اسمها رباب
حكايتي بتبدء..
من سنين فاتت
وتحديدا..
من يوم ما ...
كنت بجهز التورتة والجاتوة
عشان احتفل بعيد ميلادي ال١٨..
وكنا بنحتفل..
انا ..وامي.. وعادل اخويا
عادل اخويا كان طالب في كلية الطب ايامها
المهم..
روحنا يومها انا وامي نجيب لوازم العيد ميلاد..
وطبعا رجعنا في توكتوك
عشان كان معانا حاجات كتير
ولسؤ حظي..
السواق صاحب التوكوك 
كان هو... غراب
و اول ما شافني عجبتة..
ودخلت دماغة...
وصمم يتجوزني..
فا جه يتقدملي
وطبعا امي رفضتة ...وطردتة كمان
لان غراب ايامها