نور وابن المستشار _الاول والتاني

صديقه... أما نور فوقفت في مكانها وهي باصه لحمزه پصدمة من ظهوره قدامها في الكلية... واول ما استوعبت الامر فضلت تجمع كتابها وبعد كدا راحت لقاعه المحاضرات وطول المحاضرة وهي بتفكر في حمزه
نور بينها وبين نفسها ليا أربع شهور هنا ولا مره شوفته في حياتي غير لما حصل الي حصل بينا استر يارب
الأستاذ نور...فوقفت وبصت ل الاستاذ
نور نعم يا أستاذ
الأستاذ أنتي معايا ولا قاعده تفكري
نور نزلت رأسها أنا أسفه يا أستاذ
الأستاذ اتمنى بأنك تكوني معايا ودلوقت اتفضلي اقعدي...اعدت نور وهي منتبهه للمحاضرة
هناء أنتي بخير يا نور
نور ايوه أنا بخير بس سرحت شويه
هناء باستغراب كان الله في العون...وبعد انتهاء المحاضرة خرجت نور وصديقتها من القاعة
هناء پخوف على صديقتها نور انت بجد النهارده مش تمام... ...فابتسمت نور لصديقتها
نور لا انا قلت لك بأني بخير مفيش حاجه متقلقيش يا حبيبتي عليا
هناء أنتي متأكدة
نور ايوه أنا متأكدة ودلوقت عن أذنك أنا مروحه علي البيت
هناء لا أنتي مش هتروحي في اي مكان لحد ما أعزمك علي كوبايه عصير 
نور بس انا مش بحب دخول كفتريا الكلية كمان بخاف اتأخر عن معاك رجوعي والله ستي تعملها حكايه 
هناء لا أنتي مش هتتأخري عشان كوبايه عصير واحده يلا
نور حاضر يا هناء نروح مع اني مش مطمنه والله
.. دخلو ودي كانت أول مرة تدخل فيها نور لكافتريا الكلية وبمجرد ما دخلت شافت حمزه قاعد مع اصحابه هناك... واول ما قعدت هي وصديقتها
هناء تحبي نوع عصير معين
نور بابتسامة هاتي عصير تفاح يا هناء
هناء اوك راجعه حالا 
نور بابتسامة طيب وانا مستنياك
مشت هناء تشتري العصير ليها ولنور.. بصت نور لحمزه الي مرفعش عيونه عنها من اول ما دخلت الكافتير يا اما نور نزلت راسها فنزل شعرها ع وشها عشان تشوف الي كتبته من المحاضرة في دفترها وبمجرد ما رفعت رأسها عشان تشوف هناء جات ولا لأ شافت حمزه جاي ناحيتها فانتابها الخۏف وقفلت دفترها وحمزه جه ووقف فوق راسها و........... يتبع
حمزه بعد ما وقف قدام نورعرفيني ايه هو سر وجودك هنا النهارده بالظبط...وهناء اول ماشافت حمزه واقف عند نور مدتت راحت ووقفت جنبه
هناء بتعجب فيه ايه يانور... بصتلها نور ثم ل حمزه الي كان مستني رد نور
نور برتباك أنا مروحه علي البيت حالا ياهناء لاني اتأخرت عن اذنك بصت هناء لحمزه ولنور بتعجب فرفعت نور شعرها عن وشها ورفعت كتابها استعداد انها تخرج من الكافتيريا لكن حمزه مسكها من دراعها لأنه بيكره أن اي حد يطنشه مهما كان 
حمزه بعصبية ومن بين سنانه أنا مخلصتش كلامي فامتسبنيش وتمشي انتي ايه مش بتفهمي يابنت انتي ولا ايه... نور بصت لايده وسحبت دراعها من ايده
نور بشجاعة منها أنت طالب زي هنا وعلي ما اظن مفيش اي علاقه بينا عشان أقف واتكلم معاك انت بقي الي مش بتفهم ... لفت عشان تخرج لكن رجعوسقط منها مشبك الشعر الي بيلم شعرها 
حمزه والي حس بدقات قلبهاطبول أقسم لك بأنك هتندمي يا منبع القذارة
نور وبكل شجاعة رغم خۏفها يمكن اكون منبع القذارة بالنسبة ليك أو زي ما بتقول أنت بس لكن انا بنت محترمة يفتخر بيها أهلها والمجتمع مش مغيبه زيك انت للاسف عار على أهلك والمجتمع كمان.... زقته بعيد عنها وخرجت وسابته وهو في حالة صدمة وذهول من كلامها ومن الي حصلو من بنت