حب خااادع كامله بقلم رحاب القاضي

هيام جنبيها وقالت ليها بهدوء _
ولا يهمك. دي اكيد متكاده منك عشان احلي منها وكمان حسام ما بتعوضش وبيحبك اووي بقولك ايه اوعي تسمعي في يوم كلمه عليه وتصدقيها صدقي قلبك بس يا ملك..
حضنتها ملك وقالت بدموع _
انتي اجدع اخت في الدنيا انا من غيرك كنت هتعب كتير انتي بعد ربنا الوحيده اللي بتهون عليا....
هيام بهدوء ردت عليها وقالت _
ده لازم يحصل مش انتي اختي يا ملك..
_بعد كام يوم كانت ملك طالعه مع حسام عشان يتغدو بره وقالت ملك وهي مدايقه..
ملك _
بقولك ايه يا حسام انا ما ليش نفس اكل تيجي نتمشي احسن..
حسام بغيظ _
ايه يا بنتي الحبروت ده يعني كمان جعان ومش هتخلينب اكل وهتخليني اتمشي علي معده فاضيه..
ضحكت ملك وردت عليه وقالت _
هههههههه لا خلاص تعالي هنتغدي..
حسام بخبث _
لا ما انا مش هاكل لوحدي..
ملك بهدوء مسكت ايده وقالت _
لا ما انا مستحيل اسيبك تاكل لوحدك يا اسطا..
باس ايدها وقال بهدوء _
قلب الاسطا والله تعالي بينا يلا نروح المطعم..
_وبعد ما اتغدو كانو قاعدين علي كورنيش النيل وملك كانت سرحانه في المايه قدامها فمسك ايدها حسام وقال..
حسام _
مالك بقي يا حبيبتي في ايه..
اتنهدت ملك وقالت _
مش مهم مش عايزه انكد عليك واحنا مع بعض..
ادايق حسام وقال ليها _
ايه الكلام البايخ ده احنا مش متفقين ان مشاكلنا واحد احكي يلا في ايه..
ردت عليه ملك وقالت بحزن _
هيام بتحب مهاب اخويا جدا..
فرح حسام وقال ليها _
بجد طيب كويس اووي والله مهاب اخوكي طيب وهيام اطيب منه وغلبانه فين المشكله بقي...
اتملت عيون ملك دموع وقالت _
المشكله ان مهاب بيحب ندي زميلته في الشغل مش بيحب هيام..
سالها حسام وقال _
طيب وهي تعرف حاجه زي دي..
ملك بحزن كبير ردت عليها وقالت _
لا ما دي المشكله اباكبر هي قالتلي انها بتحب مهاب وعايزه تعترفله وانا المفروض اقولها لا هو مش بيحبك ومش هيوافق بيكي وبيحب وحده تانيه..
حسام بهدوء قال ليها _
طيب ممكن تهدي وانا يا ستي اللي هكلمها واقولها مش هتتحطي في موقف وحش..
ملك باهتمام سالته وقالت _
بجد يا حسام هتعرف تتكلم معاها وتفهمها الموضوع..
حسام بثقه _
عيب عليكي يا ماما ده انا اللي معلم اسامه منير كلام الحب والنصايح العاطفيه..
ملك بسخريه ردت عليه وقالت _
يا عم اتنيل ده انا بجبر بخاطرك وبعمل نفسي فرحت بكلامك انما انت نيله وقفل اصلا..
حسام بخبث قرب منها وقال _
يا بكاشه يعني مش بتتثبتي من كلامي..
اتوترت ملك وقالت ليه _
اي ده ابعد. كده وما تنساش الحدود اللي بينا يا استاذ وااه مش بتثبت..
مسك ايدها فجأه وقال بهدوء _
حتي لو بحبك يا احلي بنت شافتها عيني..
احمر وشها جدا واتكسفت وبصت للارض فضحك هو بصوت عالي وقال ليها بشماته..
حسام _
قال ايه مش بتثبت وانتي اقل كلمه بتجيبك الارض قدامي..
قامت ملك وقالت ليه بغيظ _
علي فكره انت رخم وانا مش هتكلم معاك تاني خالص وهسيبك وامشي ومش هخرج معاك تاني ابدا..
_قالت كلامها ومشيت فقام حسام وراها وهو بيضحك جدا وقال..
حسام _
هههههههه خلاص يا بت خدي هنا بهزر والله...
_وتاني يوم كانت هيام قاعده مع حسام في كافي وسالته وقالت بحماس..
هيام _
قبل ما تتكلم اقولك انت عايزني في ايه..
رد عليها حسام وقال _
بجد انتي عارف..
هيام _
ايوه عارفه الحاجات دي بتكون باينه اصلا..
حسام بقلق قال _
حاجات دي بتبقي باينه حاجات ايه يا بنتي انتي قصدك ايه..
هيام بهدوء سالته وقالت_
مش انت جايبني هنا عشان هايز تعمل مفاجاه لملك