غراب كشفلي سر اللي بتعمله حماتي في بنتي _كامله بقلم الكاتبه رحاب القاضي

انت في الصفحة 1 من 6 صفحات

_غراب كشفلي ير حماتي واللي بتعمله في شعر بنتي
فضل
انتي يا امي تعملي كده في بنتي حرام عليكي دي عيله صغيره
سميحه
هو انا عمات ايه يعني ده انا باللي بعمله معاها ده هخليك تاكل الدهب والفلوس تجري في ايدك زي الرز المهم بس ما حدش يشم خبر اومال انا بشغل بنتك معايا ليه
فضل
انتي لولا انك امي انا كنت بلغت عنك انا مستحيل اسكت عن اللي بتعمليه في بنتي ده انتي فاهمه..

_وقبل ما احكيلكم حمايتي اعرفكم بنفسي انا اسمي منال وعندي 32 سنه متجوزه وجوزي شغال سواق تاكسي ومعانا تلات عيال هاجر بنتي الكبيره وعندها 10 سنين وفاطمه واياد دول توام وعندهم لسه خمس سنين وانا وجوزي عايشين مع حماتي في بيتها اللي كان من دورين بس هي قاعده في الارضي لوحدها وانا وجوزي وولادي قاعدين في الشقه اللي في الدور التاني..

_وبرغم انها ست كبيره الا ان صحتها شديده وبتحب الفلوس اووي اكتر من روحها وفي يوم بالليل رجع جوزي من الشغل وانا كنت نايمه علي الكنبه في الصاله وهو قرب مني وقالي..
فضل
منال يا منال قومي يا حبيبتي ايه اللي منيمك هنا بس
منال
ابدا يا فضل انا بس كنت مستنيااك وعيني قفلت شويه ادخل انت خدلك دوش وغير هدومك لحد ما تجهزلك لقمه تاكلها..

فضل
تسلمي يا ام اياد رينا يباركلي فيكي..
_ ودخل هو عشان يغير هدومه وانا جهزتله العشا وقعدت اكل معاه فابتسم وقالي..
فضل
مليةن مره اقولك اتعشي مع العيال بلاش تقعدي جعانه انا اوقات بجيب ساندوتش او حاجه حرام انتي تفضلي الوقت ده كله من غير اكل...
منال
لا ما انا اكلت شويه مع الولاد بس قولت استن اكمل معاك عشان ما تاكلش لوحدك ولا انت بقي مش عايزني اكل معاك..

ضحك ورد عليا
ههههههه لا طبعا ده انا اللقمه ما بتحلااش غير معاكي يا ام العيال..
منال
طيب كمل اكلك يا حبيبي ربنا ما يحرمنيش منك ابدا صحيح نسيت اقولك ان امك جات وسالت عليك وانت بره اكتر من مره ولما قولتلها ارن عليك واخليها تكلمك قالت لا ونزلت..
فضل
ما هي كانت مستنياني علي السلم وانا طالع وزي كل مره عايزه فلوس..

منال
معلش يا حبيبي دي امك برضو ليها واجب عليك..
فضل
وانا مش مقصر معاها في حاجه وكمان هي بتاخد المعاش بتاع ابويا كله ما جاتش في مره حتي واديت عيل من عيالي يجيب كيس شيبسي والله واعلم بتودي الفلوس دي فين واكلها وشربها من هنا ده انا حتي لما طلبت منها تيجي تقعد معانا هنا وناجر الشقه اللي تحت رقضت..
منال

براحتها يا فضل يمكن مش بترتاح معانا هنا بص انت اعمل اللي يريح ضميرك بينك وبين ربنا...
فضل
واحده غيرك كانت قلبتها مصېبه ده انتي حتي متحمله انك بتنزلي عندها كل يوم تعمليلها اللكل وتروقيلها البيت..
منال
بالمناسبه انا البت هاجر معلماها شغل البيت وهي اهي في الاجازة فانا هخلي بالي من البيت هنا وهي تنزل عند جدتها تساعدها ها قولت ايه..
فضل
اللي يريحك يا ام ايااد اعمليه البيت كله تحت وفوق بيتك.. انا الحمد لله شبعت شيلي الاكل ده وانا هعمل الشاي..
منال
والله ما انت عامل حاجه انت جاي من الشغل تعبان وطول اليوم بتلف بالتاكسي في الشوارع اقعد انت وانا هعملك كل اللي عايزه..
_ ابتسم فضل وراح قعد في اوضته وانا تاني يوم بعد ما هو راح الشغل ندهت لبنتي هاجر وقولتلها..
منال
هااااجر انتي يااابت يا هاااجر..
دخلت عندي المطبخ وقالت
نعم يا ماما انا اهو جيت نعم..
منال
انزلي يلا