شئ من الخۏف _الحلقه الاولي
يحيي وهو مدايق..
يحيي
شايفه يا ماما بتتكلم مع عادل ازاي وانا مش مداياني اي ريق حلو..
فايزه
لا وكمان عايزه تدخل كلية الطب وابوك يصرف عليها..
يحيي
وفي الاخر الدكتور ياخد. الدكتوره وانا اقعد بقي اغني ظلموه..
فايزه
فشررر طيب استني عليا ان ما خليت البنت دي تبقي ايامها معدوده هنا ما ابقاش انا...
يعني ايه الكلام ده يا ماما انا مش عايز سماء تسيبني انتي عارفه اني بحبها واني مش هكمل تعليمي عشان اشتغل واتجوزها بسرعه..
فوزيه
اتنيل علي خيبتك انت اللي مش فالح في التعليم ما تاخدش البت دي حجه عشان تبطل تروح الكليه ويارتها كليه عدله حتي..
يحيي
خلاص طيب يا ماما المهم اتصرفي بقي وشوفي حل في الموضوع ده عشان لو عادل اتجوزها انتي ما تعرفيش انا ممكن اعمل فيهم كلهم ايه
هتعمل ايه يعني اتنيل علي خيبتك وسيبني انا احل الموضوع ده...
وتاني يوم راحت عندهم. سهير اللي كانت لابسه هدوم غاليه ودهب في ايديها وقعدت مع فايزه وقالت..
سهير
خير يا فايزه جيباني من القاهره لحد هنا علي ملي وشي كده ليه خير ان شاء الله حصلت حاجه ولا ايه..
فايزه
لا كل خير ان شاء الله بس ايه الصيغه دي كلها والهدوم دي يا حبيبتي كل ده من المشروع اللي فتحتيه..
اومال يعني هكون جيبتهم منين اهو المشروع بقي دلوقتي مدخل همه بالعافيه..
فايزه
لا والنبي بقي كل الشياكه دي ومدخل همه بالعافيه بس الا هو انتي جيبتي الفلوس بتاعته منين..
سهير پحده
جرا ايه بقي يا مرات اخويا هو انتي جيباني هنا تحققي معايا علي لبسي وشغلي ما تقولي في ايه انا عايزه ارجع قبل الشمس ما تغيب..
هقولك يا حبيبتي بنت اخوكي البت كبرت واحلوت وادورت وبقيت تقول للقمر قوم وانا اقعد. مكانك وانا عندي اتنين رجاله في البيت والشيطان شاطر..
سهير
من غير ما تكملي فهمت اللي عايزاه من كلامك ده اسمعي عايزه تجوزيها لواحد. من ولادك. عندك. يحيي انما الدكتور عادل ده هيتجوز عزه بنتي..
فايزه
جواز ايه يا اختي دلوقتي الولاد لسه في الكليه ولا حد. منهم جهز شقته ولا حاجه انا قصدي تخليها عندك وتاخديها من هنا لحد ما ابني يحيي يجهز نفسه ويتجوزها..
لا بقولك ايه يا مرات اخويا انا ظروفي علي قدها ومش فاضيه بصراحه اربي واصرف..
فايزه
اعتبري جوازة بنتك من عادل قصاد انك تاخدي البنت دي اصلها راسمه عليه ولو فضلت قدامه الله واعلم هيحصل ايه وبعدين انا مش عايزاها تدخل اي كليه..
سهير
اوووف طيب هاخدها سبيني انا هتكلم مع اخويا فوزي وهاخدها..
فايزه
يبقي كده اتفقنا يا سهير يا حبيبتي تعالي بقي ارتاحي جوه..
عادل
مالك يا حبيبتي زعلانه كده ليه..
سماء
بصراحه كده يا عادل انا مش هقدم علي كلية الطب مش عايزه اتقل علي عمي في المصار
