اخت جوزي _كامله
وانت هنا بتلعب ببنات الناس عشان الفلوس اخص والله يا فريد ما هقعدلك فيها ولو فكرت توقفني او تمد ايدك عليا والله لاصوت واڤضحك في المنطقه كلها
قالت كلامها وسابته وراحت لمت هدومها ومشيت وراحت قالت لاهلها اللي حصل وتاني يوم قالت لامها بقلق
سميره
مصېبه يا ماما انا طلعت حامل
ومصېبه ليه بس ده خير ده انتي كده هترجعيله وهو هيتلم بقي ويعقل ده هيبقي اب
سميره
ارجع لمين بس يا ماما ده طلع عيني ده انا كنت عايشه معاه في عڈاب وهتطلق يعني هتطلق
روحيه
ما هو العيب منك لو ماليه عينه هو ما كانش هيبص بره يا حبيبتي بس اقول خايبه وما عرفتيش تكسبي جوزك وبعدين هو كلم ابوكي واعتذر وابوكي من غير الحمل كان هيرجعك ليه ما بالك بقي لما يعرف انك حامل
هو انا ليه ديما بستني منكم انكم تقفو جنبي يا ماما انتو ليه حتي مش مخليني اطلق واعيش لوحدي انا متعلمه وواخده كليه عشان اشتغل يعني مش محتاجه لفريد في حاجه
روحيه
لا احنا ما عندناش بنات تشتغل ولو نطقتي الكلام ده لابوكي او اخواتك او جوزك هيطلعو عينك انتي اتخلقتي بنت يعني تقعدي في البيت تعلمي ولادك وتشوفي طلبات جوزك وتقولي حاضر ونعم وبس
وجوزي ده يدوس عليا وعلي كرامتي عادي لا كل تفكيركم ده غلط الكلتم ده لو هقعد في البيت من غير ذل او اهانه انا موافقه انما يتقلل مني في الرايحه والجايه ده ما يرضيش ربنا وسيدنا رسول الله صلي الله عليه وسلم قال استوصو بالنساء خيرا بس انتو ما عملتوش كده وظلمتوني
وكالعاده سمعت سميره كلامهم ڠصب عنهت ورجعت بيت فريد وعدت فترة حملها بسرعه وولدت سميره وجابت ولد وكان فريد مبسوط منه جدا ودخلو البيت وهما راجعين من المستشفي وكان شايله علي ايده
يا واد طيب سيب ابنك دلوقتي وتعالي ساعد مراتك تدخل اوضتها
فريد
انتو معاها اهو بعد اذنكم بقي ما حدش ليه دعوه بيا وبأبني اما طاير من الفرحه بيه مش مصدق ان في حته مني شايلها علي ايدي
قالت هناء لرحمه اللي بتبصله پحقد
تعالي انتي طيب يا رحمه اقعدي مع مرات اخوكي جوه وانتي يا روحيه روحي بقي يا اختي لولادك وجوزك تلاقيهم محتجينك دلوقتي
روحيه
طيب همشي انا اهو وهجيلك بالليل يا سميره خلو بالكم منها الدكتور قال انها ضعيفه ومش متغذيه كويس
هناء
الاكل قدامها اهو يا حبيبتي هي اللي متمنعه عنه بس ما تقلفيش في عينيا والله
ومشيت روحيه وهناء كمان راحت شقتها وطلعت رحمه قالت لفريد
مراتك بتقول عايزه الولد عشان ترضعه زي ما قال الدكتور
فريد
طيب خديه يا رحمه وخلي بالك منه بالراحه عليه ده صغير اوووي وخلي البت اللي جوه دي ما تخليهوش يعيط لو سمعته بيعيط هطلع عينها
رحمه اخدت منه الولد وقالت
حاضر يا فريد ما تقلقش ده احنا هنشيله في عينينا
فريد
ده ڠصب عنكم وانا هروح اجيب الحاجه بتاعت السبوع وهجيبله حاجات كتير كل اللي يحتاجه هجيبه ليه
مشي فريد ورحمه بصت للولد وقالت
عايز يربيك ويدلعك ويطلعك زيه هايز يخلي شيطان زيه تاني علي وش الدنيا بس انت اللي هتجيبلي حقي منه انت اللي هتخليه يتوجع ويبكي بدل الدموع ډم
وراحت بصت علي سميره لقيتها من التعب نامت ونزلت بالولد بسرعه ومن غير ما حد يشوفها مسكت الولد ورمته في بيت قديم جنبيهم مخجور وكله زباله من بتاعت السكان
