سواق الاوبر _الاخيره

- بعد ما ركبت مع سواق الاوبر 
شيماء
ايه الكلام الغريب اللي انت بتقوله ده يا دكتور ،يعني جوزي كان بيستغفلني الفتره اللي عدت دي كلها؟...

ناهد
اهدي شويه كده يا شيماء ،لو سمحت يا دكتور فهمنا الموضوع بالظبط حضرتك شايف حالتها اهو عامله ازاي...

الدكتور
يا مدام التحاليل واضحه جدا انتي يا مدام شيماء ما عنديش اي مشاكل ،بالعكس المشكله عند جوزك..

شيماء بدموع 
طيب هو كده مش هيخلف خالص يا دكتور..

الدكتور
لا لا في امل بس هو لازم يبدأ في العلاج معايا بسرعه ،لان المشكله اللي عنده علي قد ما هي كبيره علي قد ما هي ممكن تتحل بالعلاج..

شيماء
بس هو صعب جدا جدا يوافق يجي يتعالج ..

الدكتور
لا لا مش صعب خالص علي فكره ،انتي ممكن تاخدي العلاج وتخليه ياخده من بعيد..

ناهد
طيب هو مش لازم يجي ويعمل تحاليل..

الدكتور
انا لسه بعالج في حد عنده نفسه مشكلة جوزك وهديكي العلاج واديه ليه ..

ناهد 
اهي اتحلت يا شيماء ولما تبقي تحملي يبقي وقتها اجيب قولي ليه الحقيقه وقتها هيفرح والله..

شيماء.
ماشي يا دكتور انا موافقه ،بس هو العلاج ده هيفضل اد ايه ..

الدكتور
ما بين تلات شهور لست شهور...

- وبعد كده رجعت البيت وحماتي كانت قاعده وقالت ليا وهي مټعصبه ....

الحما 
بقول ليكي ايه يا بت انتي انا الحايل المايل والعوجه دي ما تعجبني، انتي لو طلعتي من البيت تاني ما تعرفيش انا هعمل فيكي ايه. .

شيماء
في ايه يا حماتي انا كنت عند دكتور النساء..

قامت حماتي وهي خاېفه وقالت
ايييه كنتي فين ،وانتي ايه اللي وراكي هناك وقالك ايه؟...

شيماء
هو ما قال ليا انا يا حماتي ،انا روحت مع ناهد أصلها شاكه انها حامل ،وجوزها مسافر...

الحما بعصبيه قالت
بقول ليكي ايه يا بت انتي اووعي تروحي هناك تاني ،انتي فاهمه خلاص كفايانا صرمحه بعد كده ما فيش طلوع من البيت غير ورجلي علي رجلك او جوزك معاكي...

شيماء
حاضر يا حماتي اللي تشوفيه ،ممكن ادخل انام شويه لاني تعبانه...

الحما 
ما كلنا يا اختي تعبانين وماشين بالتعب ،ادخلي بي جهزي الغدا لجوزك زمانه جااي وشوفي وراكي ليه اعمليه وبعدين نامي...

شيماء بتعب
حاضر يا حماتي من عينيا هعمل كل اللي حضرتك عايزاااه..

ودخلت المطبخ وفضلت اعمل الغدا ،وروقت البيت وبعد ما جه جوزي من الشغل قال...

هشام
يا شيماء جهزي الغدا بسرعه احسن واقع جوع يا حبيبتي....

شيماء
حاضر يا هشام علي طول اهو يا حبيبي...وطلعت حماتي وقالت...

الحما 
تعالي يا هشام معايا عايزااك في حاجه مهمه..

هشام 
طيب استني يا ماما هدخل  اغير هدومي واجي ليكي

الحما
بقول ليك ايه تعالي معايا جوه يلا وانجز انا مش ناقصه ....ودخلت جوه وقالت..

الحما
مراتك النهارده راحت لدكتور نسا وكنا ممكن نتفسح ونروح في ستين داهيه قدامها...

هشام
يا نهار مش فايت طيب وبعدين يا ماما هنعمل ايه...

الحما
يا واد بقول بيك ما عرفتش حاجه دي كانت مع اللي ما تتسمي صاحبتها...

هشام 
طيب ومدام هي عدت علي خير اهو ،انتي مصدعاني ليه وقلقتيني ليه؟...

الحما
والله العظيم انت غبي ،يا واد المره دي عدت المره الجايه مش هتعدي انت لازم تخليها تقعد في البيت وما تطلعش علي الفاضيه والمليانه لحد ما اتجوزك واشوف ليك حتة عسل وقتها تغور من هنا براحتها..

هشام 
حاضر يا ماما اللي انتي عايزااه انا هعمله ،بس قوليلي انتي ناويه تجوزيني مين...

الحما 
اصبر يا واد مش هجوزك اي واحده دي بت صغيره وزي القمر بس فاضلها ترم واحد وتخلص الكليه وهجوزهالك..

هشام 
ماشي يا ست الكل والله انا ما ليا بركه الا انتي...

- وعدي شهر في التاني وكنت فعلا بدي هشام العلاج في الشاي والعصير علي طول...وفي يوم كنت بكلم ناهد وقولت ليها...

شيماء
هو الدكتور قالك كده بالظبط يعني ، انا بقي ليا اهو
شهرين بديه العلاج ولو عليا اجي للدكتور بس هشام راضي خالص اني اطلع من غيره ..

ناهد
طيب قولي ليهم اني تعبانه شويه وتعالي نروح الدكتور نطمن عليكي انتي...

شيماء
مش هينفع النهارده انا قايله لهشام اني رايحه لاميره وما اقدرش اجيلك لانها بتكلمه وتقوله روحت ليها امتي وجيت من عندها امتي...

ناهد 
خلاص انا هروح ليه واحاول اتصرف واقوله يكتب علاج احسن من الاولاني لهشام جوزك عشان يخف...

- وقفلت معاها وروحت عند اميره وجات وهي شايله بنتها وقالت ليا..

اميره
امسكي با حبيبتي خدي بنت اختك شفيها ، ايه ما وحشتكيش...

شيماء 
لا طبعا وحشتني اووي والله ، ربنا يبارك فيها يا رب وتعيشي لحد ما تشيلي ولاد ولادها...

اميره بحزن
الله واعلم بقي يا شيماء هنعيش لليوم ده ولا لا؟...

شيماء
ليه بس يا بنتي بتقولي كده ربنا يديكي طولت العمر..

اميره
كتر الهموم يا شيماء بتخلي الواحد يروح ناقص عمر..

شيماء 
في ايه بس احكي ليا؟..

اميره 
اللي حصل يا ستي ان حصلت مشكله عند جوزي في الشغل ، ولازم نجيب قرض عشان نقدر نخلص من المشكله دي والقرض ده لازم ليه ضمان وهو قال نجيبه بضمان الشقه..

شيماء 
طيب ما تعملو كده المهم يكون عارف هيقدر يسدد ولا لا؟...

اميره
ايوه طبعا طبعا عارف هيسدده منين ، بس هو لازم عقد الشقه يبقي باسمي او اسمه ..

شيماء
يعني انتي عايزاني اتنازل عن الشقه مش كده ..

اميره
مؤقتا بس والله واول ما ناخد القرض ونسدده هنرجع العقد القديم..

شيماء
ايه اللي انتي بتقوليه ده يا اميره .، يا بنتي شقتي وشقتك واحد المهم بس تطلعو من الازمه دي علي خير...

-وفعلا جابت العقد واتنازلت عن الشقه ومشيت من عندها وهشام بعت ليا أوبر عشان اوصل بسه البيت ، وافتكرت ماما في الوقت ده وفضلت اعيط وفجأه ما حستش بنفسي ولما فوقت كنت في المستشفي..

شيماء
ايه ده انا فين وايه اللي جابني هنا...رد عليا الولد سواق الاوبر اللي كنت راكبه معاه وقال...

عمر
اهدي يا مدام انتي فقدتي الوعي وانتي معايا وانا نقلتك هنا وكلمت جوزك..

شيماء بتعب
انا مش عارفه ازاي ده حصل مع اني كنت نازله من الشقه عند اختي وانا كويسه ...

عمر
ما ده طبيعي يا مدام والف مليون مبروك انتي حامل...

فرحت وقولتله
بجد انت بتتكلم جد انت ما تعرفش انت فرحتني اووي ازاي ...

عمر
ربنا بفرحك ديما انا هستني معاكي لحد ما يجي جوزك...

شيماء
شكرا جدا انا مش عارفه اقول ليك ايه ، هو انت اسمك ايه اصلا...

عمر
انا اسمي عمر وا...قبل ما يكمل كلامه دخل عشام ومامته..

هشام 
في ايه يا هانم بقي رايح يغمي عليكي في عربيات الناس..

عمر
يا استاذ يعني هس دي حاجه بايدها دي ڠصب عنها وبعدين حصل خير..

الحما
وانت مالك انت بتدخل ليه بين واحد ومراته ...

شيماء 
اهدي يا هشام وبعدين في خبر احلي ، انا حامل واخيرا هنجيب طفل..

بص هشام ومامته لبعض وقال
اييه حامل يعني ايه ازاي ؟..

شيماء بقلق
استني انت فهمت ايه انا هفهمك..

الحما 
طلقها يا واد دي بنت طلعت مش كويسه، انا كنت حاسه ان البنت دي مش مظبوطه وبتعمل حاجه من ورانا..

شيماء پبكاء
انتي بتقولي ايه ، انا مستحيل اعمل حاجه زي دي خالص...

الحما 
يا حبيبتي جوزك مش بيخلف العيب منه ، روحي شوفي اللي في بطنك ده ابن مين طلقهااا يا هشام..

شيماء پبكاء
اوعي تعمل كده يا هشام انا هفهمك كل حاجه انت اتعالجت والله...

هشام 
بطلي كدب بقي وعلي فكره انا امي خطبتلي وهتعالج  بجد وهخلف منها وانتي روحي دوري عبي اللي خونتيني معاه ، امتي طالق يا شيماء...

- قال كده واخد امه ومشي وانا فضلت اعيط وقرب مني عمر وقال بحزن...

عمر
هو ازاي اتعالج ، ممكن تفهميني...

شيماء
كنت بعالجه من وراه لاني روحت كشفت وعرفت ان العيب منه ، وخۏفت اقولها يرفض قولت لما هيعرف اني حامل هيفضل معايا مش هيسيبني...

عمر
طيب انتي ليكي مكان تروحيه دلوقتي ولا هتروح فين؟..

شيماء 
ايوه طبعا اختي انا هروح ليها هي مستحيل تسيبني في الظروف دي...

عمر
طيب اجهزي كده وانا هستناكي تحت...ونزل راح دفع حساب المستشفي واستناها نزلت واخدها وداها بيت امها عند اميره..

اميره 
نعممم أطلقت. وجيالي انا اعملك ايه يا ست هانم..

عمر.
يعني ايه يا اميره مش هتقفي جنبي ، بقولك هشتم طلقني وطلع خاطب وهيتجوز خلاص...

اميره
ربنا يهنيه بقول ليكي ايه انتي كمان روحي للي عمل فيكي كده واتجوزيه ..

شيماء 
انتي بتقولي ايه انتي اټجننتي ،. انتي اختي ولازم تصدقيني وتقفي جنبي...

اميره
لا يا اختي انا واقفه بحيلي بالعافيه ، اتفضلي بقي لو سمحتي بره وما تجيش هنا تاني..

شيماء
دي شقة امي يا اميره ولا انتي نسيتي..

ضحكت اميره وقالت
هههههه لا مش ناسيه بس واضح انك انتي اللي نسيتي انك كتبتي نصيبك في الشقه باسمي ...

شيماء
بجد يا خساره حسبي الله ونعم الوكيل فيكي ربنا ينتقم منك ومنهم...

-ونزلت بس اڼصدمت لما لقيت عمر واقف ومستنيني ، قربت منه وقولت ..

شيماء 
انت لسه هنا خير في حاجه ولا ايه؟..

عمر
حسيت انك هترجع تعالي يا مدام انا هوصلك لمكان مناسب تقعدي فيه وما تخافيش انا والله مش هأذيكي انا راجل عارف ربنا كويس...اطمن عليه وركبت معاه ووداني شقه قصاد شقته وقال..

عمر
دي شقة امي الله يرحمها تقدري تقعدي بيها وانا هنقعد قصادك هنا...

شيماء
هو انت عايز لوحدك مش متجوز يعني ، اصل شوفت صورى طفله في العربيه اا..

عمر
دي بنتي بس ابله يرحمها راجت هي ومامتها في حاډثه..

شيماء
ربنا يرحمهم انا اسفه لو فكرتك ..

عمر
لا عادي حصل خير ، ممكن تفضلي قاعده في الشقه لحد ما تلاقي شغل أو تعرفي تتصرفي ..

شيماء
شكرا جدا يا عمر انا من غير مساعدتك كان زماني في الشارع..

عمر
ده أقل واجب ادخلي ارتاحي تصبحي علي خير...ودخلت الشقه دي وفضلت قاعده فيها كام شهر وعمر سأل ليا شغل وبعدين ولدت وجيبت ولد...

عمر
بصي انا سجلت الولد باسم باباه بس اا..

شيماء 
بس ايه بالظبط يا عمر ، في ايه اتكلم علي طول...

عمر
ابو مازن ابنك اتقبض عليه مراته كانت بتخونهوهو لما شافها عمل عملته فيها هي واللي معاها..

شيماء 
يا حول الله يا رب ، هات مازن يا عمر المهم انه السجل باسم ابوه..

عمر
شيماء تتجوزيني ؟..

شيماء
نعممم انت بتقول ايه ، اتجوزك ازاي يعني اا..

عمر
انتي مطلقه وانا أرمل،  انا اتحرمت من بنتي وانتي ربنا رزقك بأبن زي القمر اسمحيلي اكون اب ليخ وخو يبقي ليا اغلي واحسن ابن..

شيماء
انا لو لفيت عمري كله مش هلاقي اب لابني احسن منك يا عمر...

عمر
لا ده انا اروح اجيب المأذون بقي ..ومشي فعلة وانا فضلت اضحك ..

- واتجوزت انا وعر وابني كبر وبقي عنده ٣ سنين 
واتعلق اووي بعمر اللي كان بيعامله علي انه ابنه بالظبط ، وفي يوم الباب خبط وعمر قال...

عمر
يا شيمالااء يا شيماء روحي افتحي الباب...

شيماء
بسرح شعري انت قوم افتح يلاا..

عمر
طيب يا ستي قايم اهو ، وفتح الباب وكانت اميره اخت شيماء.

اميره 
ايوه انا اميره اخت مراتك ، ممكن اشوفها...طلعت انا لما سمعت صوتها وقولت..

شيماء 
جايه عايزه ايه يا اميره بعد اللي عملتيه فيا..

اميره
انا اسفه يا شيماء رينا اخد ليكي حقك مني تالت ومتلت ، بناتي راحت وقعو من فوق البلكونه كانو بايظه ووقعو وجوزي اتهمني بالاهمال وطلقني وجايه ارجعلك الشقه وانا اخدت اوضه جنب المقاپر عشان ابقي جنب بناتي...

شيماء
البقاء لله يا اميره ربنا يصبرك ، الشقه خليها زي زمان ليا وليكي واي وقت تحتاجي حاجه بيت اختك مفتوحلك ولا ايه يا عمر..

عمر
طبعا يا حبيبتي ده بيتك وانتي حره فيه...

- ومشيت اميره وعمر مسك ايدي وقال..

عمر
ربنا يخليكي ليا يا احلي زوجه في الدنيا..

شيماء 
ويخليك ليا يا حبيبي يااارب..

- وبكدا خلصت حكايتنا النهارده